Te whakahaere i ngā mahinga rautaki me ngā mahinga whai take
Ko Te Matatuku te ‘pūkaha’ o Te Mātāwai, arā, ko te pekanga whakahaere o ngā mahinga rautaki me ngā whakahaere whai take e whakakotahi ana i ēnei tūmahi e rua kia tino eke ngā hua. He tūranga matua tō Te Matatuku e hāpai ana i ngā rōpū katoa ki te tuku atu i ō rātou ratonga e hua mai ai ngā āhuatanga tōtika mā te Poari, mā ngā Pae Motuhake, mā ngā Kāhui, mā ngā hapori me ngā iwi.
Nā te whānui tonu o ngā mahi whakahaere, he rerekē ngā kawenga o tēnei rōpū iti hei whakatutuki i ngā mahi. Me tika anō ngā pūkenga – ko ngā pūkenga mahi me ngā pūkenga tangata – kia āhei a Te Matatuku ki te whakahaere i ngā tukanga me ngā ara mahi matatini, ki te whakarite i ngā mahi hangarau tōtika, ahakoa ngā piki me ngā heke me ngā huringa o ngā kāhui, kia hāngai tonu ngā mahi o ia rā ki te whāinga roa o te rautaki. Kei te hāpai te rōpū i ngā whakapaunga kaha a te tari i runga anō i te wairua kamakama.
