E kōkiri ana i ngā mahinga rautaki mō te whakarauoratanga mai o te reo
Ko tā Te Matatū, he whakaū i te whakatutukinga o ngā mahi a Te Mātāwai i raro i te ture mā ngā hōtaka tūmahi a Te Whare o te Reo Mauriora. Hei konei, e whakawhanake ana a Te Matatū i ngā rautaki me ngā kaupapa here, waihoki ko te huhua o ngā momo kaupapa e whai pānga ana ki te oranga me te kōkiritanga o ngā whānau, o ngā hapū me ngā iwi Māori. Hei tāpiri atu, kei te tāpae kōrero a Te Matatū ki ngā Minita me ngā hoamahi o te Karauna e pā ana ki te whakapikinga ake o te oranga tangata mā te whakarauoratanga ake o te reo Māori, e hāngai ana hoki ki ngā whāinga me ngā wawata o ngā kāinga, o ngā hapori me ngā iwi.
Kei te tautoko a Te Matatū i te Poari o Te Mātāwai ki te ārahi, ki te tirotiro hoki i ngā mahi a Whakaata Māori. He mahi takirua tēnei e kawea ana e te Minita Whanaketanga Māori me te Minita Take Pūtea. Ka tāpae kōrero hoki a Te Matatū ki tō mātou Poari e pā ana ki te tapanga me te kopounga o ngā kaituku whakatau mā ngā hinonga reo Māori e toru, arā, mā Te Taura Whiri i te Reo Māori, mā Te Māngai Pāho me Whakaata Māori. He huarahi tēnei e mahi ngātahi ai a Te Mātāwai ki ō mātou hoamahi o te Karauna hei kaiārahi takirua e mahi ana i runga i te ngākau tapatahi ki te poipoi i te reo Māori, i te tuakiri Māori me te oranga o te tangata.
