Te kitenga mai me te tirohanga atu ki ngā mahi whakarauora
Ko tā te rōpū pāpāho o Te Mātāwai, he whakaū i ō mātou whakapānga atu ki ngā kāinga, ki ngā hapori, ki ngā iwi me ngā kaiwhaipānga o te reo Māori, ina rā ko ō mātou hoamahi o te Karauna nō roto anō i Te Whare o te Reo Mauriora.
Kei te whakahaere a Te Mataihi i ngā tūmahi pāpāho katoa nō roto, nō waho anō o te whare, i ngā momo rautaki me ngā huihuinga. E kapi ana ā mātou mahi matua i ngā mahi pāpāho e pā ana ki ngā mahinga rautaki me ngā take o te wā, i ngā whakahaere o ngā pae pāhopori me te pae tukutuku, i ngā whakawhitinga ki te ao pāpāho, i ngā whakapāpātanga atu ki ngā kaiwhaipānga, waihoki ko te pānuitanga atu o ā mātou kōrero. Ka aratakina ngā huihuinga, ngā waitohu, ngā mahi whakahoahoa me te whakawhanaketanga mai o ngā momo rawa hokohoko. Hei konei, ka āta kitea, ka whakanuia, ka rangona hoki e ngā hapori me te iwi whānui ngā mahi a – Te Mātāwai.
