Mātaatua

Priorities & Investment Plan

E kimi haumitanga ana koe mō tō kaupapa whakarauora i te reo? Me mātua hāngai tō kaupapa ki ngā paearu a ngā Kāhui.

Kei te ū tonu te waka o te Pae Motuhake o Mātaatua ki tōna ara reo, kei te tautoko i ngā momo akoranga rerekē, kei te hāpai tonu i ngā kaupapa reo huri noa i tō mātou rohe.

Ngā Aronga Haumitanga Matua a Mātaatua:

Piki Ake - kia poipoi, kia tiaki, kia whakaohooho
Kake Ake - kia matapopore, kia tohatoha, kia akiaki
Te Kura Nui - kia whai wāhi, kia hapai, kia whakakaha
Te Kura Roa - kia whakakaupapa, kia whakamahere, kia whakatuarā.

Tikiake te Mahere Haumitanga

Te Kāhui ā-iwi o Mātaatua

Ka aro te mahere haumitanga a Mātaatua ki ngā uri katoa o ngā iwi e rārangi iho nei:
Ngāti Pūkenga	Tūhoe
Ngāi Te Rangi	Whakatōhea
Ngāti Ranginui	Te Whānau-a-Apanui
Ngāti Awa	Ngāti Ruapani ki Waikaremoana
Ngāti Manawa	Ngāti Whare
Ngāi Tai ki Tōrere

Pae Motuhake

Ngā Pae Motuhake

The eight Pae Motuhake connect the strategies and activities of Te Mātāwai with the needs of kāinga, hapori and iwi in their Kāhui. Here are the Pae Motuhake representatives for your Kāhui:

Dr Agnes McFarland

Poutaki

Thomas Mitai

Te Whakatōhea

Ngareta Timutimu

Ngāi Te Rangi

Jennifer Takuta-Moses

Ngāti Ruapani

Aniwa Nicholas

Ngāti Ranginui

Kylie Poihipi

Te Whānau-a-Apanui

Muriwai White

Ngāti Manawa

Te Taute Taiepa

Ngāti Whare

Rauangi-Leilani Ohia

Ngāti Pūkenga

Ngā Pou Reo/ Kaiurungi Reo me ngā Kaiāwhina

He mema te Pou Reo me te Kaiāwhina o te Kāhui, ka mahi tahi rātou ki tō rātou Pae Motuhake ki te whāngai atu i ō rātou mōhiotanga me ō rātou kitenga mai i te rohe.

Noti Belshaw

Pou Reo

Anna Kurei

Kaiāwhina

Investments

Tirohia Ngā Whakataunga Tuku Pūtea nō te rauna 2025-2026

Kāhui stories

Kāinga Tuku Reo

Ko Kāinga Tuku Reo tētahi rautaki whakaako reo o te kāinga e whāngai ana, e whakanui ana i te reo Māori i te kāinga, kia ākina, kia whakarauoratia te reo ki waenga i ngā reanga maha, kia tukuna hoki ngā rauemi ki ngā hapori. Ko te pūtake o te kaupapa, ko te kāinga te nohanga tuatahi o te reo Māori, me poipoi, me whāngai, me rongo te reo hei wāhi tūturu o te kāinga me te hapori.

I whiriwhirihia kia 20 ngā tāngata nō ngā whānau e rima o Waikaremoana mō ngā akoranga reo Māori, kia 2 hāora te roa, i roto tonu i ō rātou kāinga, ki te taha o tētahi kaiako.

He māmā ngā whakatakotoranga kōrero, he reorua ngā kōrero hei hāpai i ngā mahi ako. Ka pakari haere te reo, ka huri ngā kōrero mai i ngā reo e rua, ki te reo Māori i te nuinga o te wā. Nāwai ā, kua rumakina ki te reo Māori, ā, koinei hoki te pūtake o te kaupapa. Ko te karakia, ko te waiata, ko te pepeha me te whakapapa ētahi o ngā mahinga reo Māori.

I tino whai hua ngā akoranga rumaki ki ngā whānau. Ka piki ake ngā pūkenga reo me te kaingākau ki tō mātou reo. Ka hiamo te katoa ki te ako, ā, ka hāpaitia hoki te mana motuhake o Ngāti Ruapani ki Waikaremoana.

Ngā Uri a Papakahawai rāua ko Turi Pataata Herewini

He whānau kakama tēnei, neke atu i te 40 rātou i haere ki ngā wānanga ki te marae o Tōrere, i kuhu mai hoki ki ngā akoranga reo i ia rua wiki, ā, e rima hoki ngā hui whakamahere reo.

Kei te kōrero Māori tētahi reanga o Ngā Uri a Papakahawai rāua ko Turi Pataata Herewini, ā, kei te whāngaihia tērā reo ki ngā uri. I te roanga o te tau, kua tīmata rātou ki te whāngai i ngā tikanga me ngā mātauranga ki ngā uri mā te reo Māori i roto i ngā akoranga i ia rua wiki, me ngā hui whakamahere reo. Koinei te tīmatanga o te ara reo Māori o te nuinga, nō reira he mea whakaawe ngā wānanga me ngā hui whakamahere reo kia whai tonu, kia ako tonu ngā whānau me ā rātou tamariki i te reo, i ngā tikanga me ngā mātauranga o te ao Māori.

He rerekē ngā hua ki tēnā reanga, ki tēnā reanga. Ko ētahi o ngā putanga whakahirahira ko te pikinga ake o te reo o te kāinga me te nui o te reo e kōrerohia ana ki ngā tamariki o te kōhanga reo me ngā kura, waihoki ko ngā maharatanga o ngā kaumātua me ngā waiata mai i tētahi o ngā pukapuka tawhito a Ngāi Tai.