E ārahi ana ngā whānau, ngā hapori me ngā iwi hoki i a rātou ake huarahi reo Māori. Mātaki mai i ā mātou kiriata kia rongo ai koe i te aroha nui ki tō tātou reo, waihoki ki te whakaohoho i te wairua, ka mutu e nanao hoki ai koe ki ngā mātauranga hei whakaihiihi i a koe, ā i ngā uri ka haere ake nei.

Takahia tō Ara: Legacy Edit

Over the past year, we've had the privilege of capturing kōrero from across Aotearoa of whānau, hapori and iwi leading their own reo journeys through our short series, Takahia Tō Ara. View all eight stories in this Legacy Edit.

Purei

Te Reo Māori Turi

Ko tā Te Reo Māori Turi he tūhono i te hapori Turi mā ngā ringa, ngā karu me te reo ā-tinana. He kaupapa whakaora i te reo Māori me te ahurea Māori mā roto mai i te reo rotarota

Purei

He Kai Kei Aku Ringa

Ko He Kai Kei Aku Ringa tēnā e kawe ana i āna tauira i tua atu o te akomanga, ki te koraha o Te Tauihu, ki reira ako ai ngā tauira o tēnā takiwā, o tēnā āhua noho, ki te aru poaka, ki te ruku kai moana, ki te hī ika, ā, ki ngā tikanga mahi kai.

Purei

Te Kura Reo o Ngāti Whakaue

Kei waenga i ngā pohutu, i ngā ngāwhā me ngā wai hū o Rotorua, kei te whakaarahia ake te reo o te whānau e Ngāti Whakaue mā te kura reo Māori.

Purei

Te Reo Mau-ri

Ko te waananga o Te Reo Mau-ri, he kaupapa e tuitui ana i te reo, i ngaa tikanga me te maatauranga o ngaa tīpuna, kia whaatoro atu ngaa rangatahi ki too raatou ao Maaori.

Purei

RaRau Mai

I ia wiki, kei te whakapiki ake ngā whānau i tō rātou mōhio ki te reo me te mahi toi i runga i te wairua ngahau ki RaRau Mai i Te Papaioea.

Purei

Takahia tō Ara 2: Pathways to te reo Māori (Promo)

Tērā ētahi hapori e toru e hapahapai ana i te whakahaumanutanga o te reo Māori mā te whakahaere kaupapa tūhāhā ki a rātou me ō rātou hāpori.

Purei

Hoake tātou ki te whakarauora i te reo Māori

Te whakatairanga pouaka whakaata 'Hoake tātou' a Te Mātāwai. I whakaatu tēnei kiriata hei whakanui i tā mātou pūtea tautāwhi Tōtara ki Te Matatini o Te Kāhui Maunga 2025.

Purei

Te Reo o Ngātokimatawhaorua

Ko Te Tai Tokerau te kāinga o Te Reo o Ngātokimatawhaorua – tētahi kaupapa e tūhono ana i te kaihoe ki ngā kōrero tuku iho me ngā mātauranga waka o nehe.

Purei

Ngā Ia Taiheke o te reo Māori

Ko te moutere o Matakana te kāinga o Ngā Ia Taiheke o te Reo Māori e whai nei ki te whakatū anō i te marae hei wāhi manaaki i te akoranga reo Māori.

Purei