E kimi haumitanga ana koe mō tō kaupapa whakarauora i te reo? Me mātua hāngai tō kaupapa ki ngā paearu a ngā Kāhui.

E whakatauira ana ēnei kaupapa o te rohe whānui o Te Tairāwhiti i te kōrero, “hāunga anō te huihuinga, ko ngā huringa te mea nui.” Koinei anō te whakatinanatanga o te manawaroa o te iwi, o te ora nui o tō tātou reo me te whakakitenga roa mō te rarangatanga mai o te reo me te tuakiri ki roto i ngā āhuatanga katoa o ia rā.

Ngā Aronga Haumitanga Matua a Te Tai Rāwhiti:

Pou Kaiāwhā

  • Ngā kaupapa e whai pānga ai te tangata ki te reo Māori - hei tauira: mahere reo, karaehe reo.

Pou Tokomanawa

  • Ngā kaupapa e whai wāhi ai te tangata ki te noho rumaki i te reo Māori me ngā mita o motuhake o Te Tairāwhiti - hei tauira: ngā huarahi rumaki reo.

Pou Tuarongo

  • Ngā kaupapa e whāngai ana i te kounga me te kairangitanga o te reo - hei tauira: rumakina te reo.
Tikiake te Mahere Haumitanga

Te Kāhui ā-Iwi o Te Tai Rāwhiti

Ka aro te mahere haumitanga a Te Tai Rāwhiti ki ngā uri katoa o ngā iwi e rārangi iho nei: 
Ngāti Porou Ngāti Pāhauwera
Te Aitanga-a-Māhaki Mana Ahuriri
Rongowhakaata Maungaharuru-Tangitū
Ngāi Tāmanuhiri Heretaunga Tamatea
Ngāti Kahungunu Ngāti Rākaipaaka
Rangitāne (Dannevirke, Hawke’s Bay, Wairarapa)  

Ngā Pae Motuhake

The eight Pae Motuhake connect the strategies and activities of Te Mātāwai with the needs of kāinga, hapori and iwi in their Kāhui. Here are the Pae Motuhake representatives for your Kāhui:

Matai Smith

Poutaki

Ataneta Paewai

Rangitāne ki Tāmaki nui-a-Rua

Ruth Smith

Te Aitanga-a-Māhaki

Phillecity Ngarangione

Ngāti Pāhauwera

Piripi Winiata

Ngāti Kahungunu ki Heretaunga

Marlene (Malo) Harris

Ngāti Kahungunu ki Wairarapa

Maria Wynyard

Ngāti Porou

Tangiwai Wilson

Ngāi Tāmanuhiri

Ngā Pou Reo/ Kaiurungi Reo me ngā Kaiāwhina

He mema te Pou Reo me te Kaiāwhina o te Kāhui, ka mahi tahi rātou ki tō rātou Pae Motuhake ki te whāngai atu i ō rātou mōhiotanga me ō rātou kitenga mai i te rohe.

Lewis Whaitiri

Pou Reo & Kaiāwhina


Tirohia Ngā Whakataunga Tuku Pūtea nō te rauna 2025-2026

Kei te aha, Kura reo

Kei te whakarauoratia tonutia te reo o Te Tairāwhiti e ngā mahi whakamāherehere reo a te Kura Reo o Kei te aha e whakatenatena ana i ngā hapū ki te whakapūmau i te reo Māori ki roto i ngā marae me ngā hapori.

Ka tū te hui ki te marae o Uepōhatu me te Kāreti o Ngata. Kotahi rau e toru tekau mā rima ngā rēhitatanga ki te hui e whā rā te roa, he kaiako, he pakeke, ko ngā uri o Porourangi me ngā mema o te hapori whānui. Ko ngā kaupapa nui, ko te whakarauoratanga mai o te mita o Ngāti Porou, ko ngā tikanga me te whāngaitanga atu o te reo ki ngā reanga rerekē, kia whai wāhi mai te katoa, ahakoa te taumata o te reo.

He tino pai ngā kōrero mō te hui, ā, hei tā te 85% o ngā tāngata, i whai kaha, i whai āwhina hoki rātou ki te kōrero i te reo Māori i roto i ā rātou mahi noa o ia rā. Hāunga anō ngā painga ki te tangata takitahi, i whakapūmauhia hoki ngā hononga tāngata. He pārekereke reo anō hoki tērā mō ngā kaupapa e tautoko ana i te oranga o te reo me ngā tikanga ā ngā rā ki tua.
 

Irirau o Waikōkopu

I whakakotahihia ngā reanga e rima o tētahi whānau nō Te Māhia – me ērā e noho ana ki wāhi kē – e te kaupapa o Irirau o Waikōkopu, arā, ko ngā wānanga e rima i tū i te roanga o te tau. Ko te kaupapa, ko te whakahokinga mai me te whakapakaritanga ake o te reo Māori o te whānau, ā, ka kitea ngā hua i tō rātou kaha ki te tū, ki te kōrero, ki te hāpai hoki i ngā tikanga.

E whakaakona ana tēnei kaupapa mā ngā tikanga whakaako a Te Ataarangi, mā ngā waiata, mā ngā karakia me ngā pūrākau. He ara whakaako tēnei hōtaka e poipoi ana i te whakatipunga ake o te reo me te kaha o ngā ākonga ki te takahi i ō rātou ake ara reo.

Nā tēnei kaupapa te ngākau o tēnei whānau i whakatuwhera anō ki te reo Māori. Kei te tautokona ngā tamariki e tō rātou whānau whānui ki te whai i ō rātou ake ara reo, e whakaū ana i tō rātou hononga ki te ao Māori me ō rātou marae. Hāunga anō ngā piki me ngā heke, he tohu tēnei kaupapa o te ngākau tapatahi o tēnei whānau ki te ako, ki te ārahi, ki te noho i te reo Māori hei whānau.

E ārahi ana ngā whānau, ngā hapori me ngā iwi hoki i a rātou ake huarahi reo Māori. Mātaki mai i ā mātou kiriata kia rongo ai koe i te aroha nui ki tō tātou reo, waihoki ki te whakaohoho i te wairua, ka mutu e nanao hoki ai koe ki ngā mātauranga hei whakaihiihi i a koe, ā i ngā uri ka haere ake nei.

Kāinga, Hapori, Iwi