Ngā Whakatau Haumitanga mō te Rauna 2026-2027
Tau atu, tau mai, ka rere ngā tono, ka rere te pene arotake a ngā Pae Motuhake e arohaehae ana i ia tono mā Ngā Mahere Haumitanga ā-Kāhui me ngā paearu haumitanga. Mā ia Pae Motuhake e tohu ki te Pōari o Te Mātāwai i a rātou kōrero taunaki mō ia tono, ki reira whakatau ai ko wai ka whiwhi pūtea haumitanga, ā, me ngā tono kīhai i eke.
Anei ngā paearu matua a te Pōari hei whai whakatau:
-
Ngā kōrero taunaki a ngā Pae Motuhake
-
Te rahi o te pūtea haumitanga e wātea ana
-
Te hāngai o te puka tono ki ngā paearu matua mō ngā haumitanga me te Kāhui anō hoki
-
Te hāngai o te puka tono ki te māhere haumitanga o te kāhui tika
-
I ōna wā, ka whakaaetia te puka tono e te Kōmiti Tātāri Tūraru o Te Mātāwai
-
Kua whakarite huarahi me pēhea hoki te tātāri i ngā tūraru hononga tāngata.
