He aha te take me rēhita ai ahau mō te Rauna Haumitanga?
- Ko te rēhitatanga te tepe tuatahi e whakaae ai tō kuhu ki te hōtaka Haumitanga. Me whakamana e mātou ō taipitopito i mua i tō tuku tono.
- Me whai rēhitatanga koe ki Te Mātāwai i mua i tō tuku tono mai. Pāuru ki te rēhita.
- Mēnā kua rēhita kē koe, kāore he take kia rēhita anō koe.
- Tēnā, tirohia ō taipitopito e hāngai ai ki ō taipitopito o naianei.
He aha ngā putanga e wawata ana e Te Mātāwai ki te tutuki?
E hāngai ana ngā Mahere Haumitanga a Kāhui katoa ki ngā putanga matua:
- Tukuihotanga - intergenerational transmission
- Hononga Hapori Reo - connected Māori language communities
Mēnā e tāea ana e koe te whakamārama i te hononga o tō kaupapa, me pēhea rānei e hāpai ake i ngā putanga, ka ngawari ake mā te Pae Motuhake ki te arotake i tō tono.
Ngā mea me mōhio e koe mō ngā Mahere Haumi ā ngā Kāhui
- Kua whakarite ngā mahere haumitanga e ngā kāhui e waru.
- Pānuihia te mahere haumi o te kāhui e hiahia ana koe te tuku tono mō tō kaupapa.
- Mēnā nō ngā iwi ngā kairuku i tō kaupapa, me tono koe ki ngā Kāhui ā iwi.
- Mēnā e aro ana tō kaupapa ki ngā rāngai (hapori, hunga noho taone, mātauranga, pāpāho rānei), me āta mārama koe ki Te Reo Tukutuku.
Tukanga arohaehae tono
- Ka arotakengia ngā tono e te Pae Motuhake o ngā Kahui, ā mā rātou e whakatakoto i ā rātou whakatau ki Te Poari o Te Mātāwai.
- Ko te whakatau whakamutunga kei te nui, kei te wātea rānei te pūtea, ka mutu te hangai o te tono ki ngā paearu me ngā aronga matua o te Kāhui
- Ko ngā kaitono i angitu, ka whiwhi i a rātou he reta taunaki me tētahi kirimana haumitanga e whakaatu ana i ngā rangi matua, ngā momo mahi me ngā tūāoma, aha atu rānei.
Ka tāea e au te rēhita takitahi? Me noho rānei hei kamupene?
Āe, ka tāea e koe te rēhita takitahi.
Ka tāea hoki e koe te rēhita hei pakihi, hei kamupene, hei rōpū ohaoha, he tarahiti (ohaoha, whenua, marae, iwi, whānau). Engari, me rēhita hoki koe ki te New Zealand Companies Office, ki te Charities Services rānei.
Te Tuku Karere ki Ngā Kaitono
Ka whakamōhio atu he aha te putanga o ngā tono ki ngā kaitono mā te punaha o Te Mātāpuna - te pūnaha haumitanga. Ko ngā kaitono i angitu, ka whiwhi i a rātou he reta taunaki me tētahi kirimana haumitanga mai i te Kaihuawaere Haumitanga.
Mā te kirimana haumitanga e whakarite i te aronga matua, i ngā rangi matua, ngā momo mahi me ngā tūāoma, hei whakatutuki.
