Ngā Haumitanga

Kei te huihui ngā whānau ki ngā marae, ki ngā kura, ki ngā wharekai, ki te taha o ngā awa me ngā roto, ki tātahi me te huhua o ngā whare tuihono. Kei te tūhono atu ki te reo, kei te whāngaihia e te reo o ngā tīpuna.

Kei te puta tonu mai ngā rawa whakaako me ngā rauemi hou hei tautoko i ngā whānau ki te hāpai i te reo i te kāinga. Me mahara hoki, hāunga anō ngā tūmahi whakahirahira me te whanaketanga mai o ngā rauemi i ngā Kāhui, kei te rapua tonutia ngā Pou Reo, me whai tautoko tonu ngā hapori.

Nā ngā Kāhui e waru ngā mahere haumitanga me ngā aronga i whakatau, ā, e hāngai katoa ana ki ā mātou putanga rautaki:

• Tukuihotanga – Te āta whai i te tukuihotanga
• Hononga Hapori Reo – Hapori reo Māori kua tūhonohono

E ākina ai ēnei tutukinga e te:

• Mana Motuhake
• Toitūtanga

Mā ngā Pae Motuhake, mā ngā māngai whakakanohi i ngā hiahia o roto i ngā iwi te mahere haumitanga e hanga, me ngā aronga matua mō ia Kāhui, ā, ka tuku hoki i ngā tūtohunga ki te Poari Matua kia whakaaetia.

He motu whānui tēnei, he rerekē hoki ngā hiahia o ngā whānau o ēnei Kāhui. He huhua hoki ngā āhuatanga e pāpā atu ana ki te whakatutukinga pai o ngā kaupapa, pērā i te horanga nui o te rohe, i te noho ki tuawhenua me te ekenga o te nui o ngā tono ki tua i te āheinga o te kaupapa, nāwai rā, kua mahue ētahi.

Ko ngā whānau, ko ngā hapū me ngā iwi ngā pou whakaawe o Te Mātāwai, he kaha nō rātou ki te hāpai i te whakarauoratanga o te reo, ki te whakahoki mai, ki te whakapūmau hoki i ō rātou tuakiri.