E kimi haumitanga ana koe mō tō kaupapa whakarauora i te reo? Me mātua hāngai tō kaupapa ki ngā paearu a ngā Kāhui.

Kei te aro a Te Tai Tokerau  ki te rohe me te whakamarumarutanga o te mātauranga, o ngā tikanga me ngā kawa mā ngā reanga katoa mā ngā kaupapa e arahina ana e te whānau, e te hapū me te marae. He rohe nui tēnei, arā, mai i Tāmaki ki Te Rerenga Wairua. 

Ngā Aronga Haumitanga Matua a Te Tai Tokerau:
He whakatipu, he whakawhānui, he whakapūmau hoki i ngā rumaki reo e tiaki ana i ngā reo motuhake o Te Tai Tokerau mā:

  • Te rangahau me te waihanga rauemi e hāngai pū ki ngā reo o Te Tai Tokerau.
  • Kia matarau ngā kaupapa reo e whaipānga ai ngā uri katoa o Te Tai Tokerau.
  • Kia whai reo te hunga kore reo, kia pakari ake te hunga whai reo, kia manawapātia te hunga i takea mai i roto i te reo.
  • Te whakakotahi i ngā kaupapa mō te whaikōrero me te karanga kia kōkiritia ngātahitia e Te Tai Tokerau, kia kounga, kia rite tahi, kia ora tonu.
  • Te whakamatua i ngā kaupapa reo e aronui ana ki te reo o te kāinga, ki roto ki ngā whānau.
Tikiake te Mahere Haumitanga

Te Kāhui ā-Iwi o Te Tai Tokerau

Ka aro te mahere haumitanga a Te Tai Tokerau ki ngā uri katoa o ngā iwi e rārangi iho nei:
Te Aupōuri Ngāti Whātua
Ngāti Kahu Te Kawerau ā Maki
Ngāti Kurī Te Uri-a-Hau
Ngāpuhi Ngāti Rehua (Aotea)
Ngāpuhi ki Whaingaroa–Ngāti Kahu ki Whaingaroa Ngāti Manuhiri
Te Rarawa Ngāti Whātua o Kaipara
Ngāi Takoto Ngāti Whātua o Ōrākei
Ngāti Wai Te Roroa

Chelsea Reti, Waitangi Piripi rātou ko Rangimarie Te Whenua e kōrero ana i te pae rangatahi mō te hīkoi mō te Tiriti. Nā Cole Eastham-Farrelly (RNZ) te whakaahua.

Ngā Pae Motuhake

The eight Pae Motuhake connect the strategies and activities of Te Mātāwai with the needs of kāinga, hapori and iwi in their Kāhui. Here are the Pae Motuhake representatives for your Kāhui:

Raniera McGrath

Poutaki

Moe Milne

Ngāti Hine

Hone Sadler

Ngāpuhi

Dena-Maree Hemara

Ngāpuhi

Joseph Kapea

Te Uri o Hau & Te Roroa

Joshua Wikiriwhi

Ngāti Whātua o Kaipara

Te Arepa Morehu

Ngāti Whātua Ōrākei

Ngā Pou Reo/ Kaiurungi Reo me ngā Kaiāwhina

He mema te Pou Reo me te Kaiāwhina o te Kāhui, ka mahi tahi rātou ki tō rātou Pae Motuhake ki te whāngai atu i ō rātou mōhiotanga me ō rātou kitenga mai i te rohe.

Truly Harding

Kaiurungi Reo

Tāmaki ki Te Hana

Te Hau White

Kaiurungi Reo

Whangārei ki Te Reinga


Tirohia Ngā Whakataunga Tuku Pūtea nō te rauna 2025-2026

Reo Whakaaio

E ono ngā wānanga o Reo Whakaaio, he mea whakatū mā ngā rangatahi, mā ngā pakeke me ngā kaumātua ki ngā marae e whā o te rohe. I whakatepea te nui o ngā tāngata ki te 25. Ko te whāinga matua, kia whakatūria ngā hui rumaki, kia piki ake ngā whaitua reo Māori me ngā wāhi e hāpai ana i te whakarauoratanga mai o te reo. Waihoki, ko te aronga nui kia mahi ngātahi mātou ki ngā rōpū Māori nō te hapori whānui me ngā rōpū e whai ana i ngā kaupapa Māori nō te hauāuru me te raki o Tāmaki Makaurau i te roanga o te 12 marama.

Nā te kaupapa o Reo Whakaaio ka waia haere ngā tāngata ki te reo, ngā waiata, ngā ngeri, te haka me ngā waiata tawhito nō Te Tai Tokerau ake, ā, ka rangona te reo me ngā tikanga o Te Tai Tokerau, waihoki ko ngā pūrākau, ko ngā āhuatanga o te taiao, ko ngā taonga tuku iho hoki i ngā horopaki reorua me ngā horopaki rumaki. Nā ngā mahi mau rākau, te whakapakari tinana me ngā mahi taiao ka piki ake te māramatanga o ngā tāngata ki te reo me ngā tikanga, ā, ka whakakahangia hoki te tuakiri Māori i waenga i ngā ākonga.

Ka tūhonohono ngā whānau, ka piki ake te whanaungatanga, ā, ka hoki atu anō rātou ki ngā marae o Te Tai Tokerau me te rohe o Waikato. Ka toro atu hoki rātou ki ngā pakihi Māori, ki ngā hapori me ngā mātanga o te reo me ngā tikanga nō Te Tai Tokerau me te rohe whānui.

Kua nui ake te hiahia, ā, kua pai ake anō te waiaro me te whakamahinga o te reo i roto i ngā horopaki mahi (arā, i te kāinga, i te mahi me ngā huihuinga ā-hapori). Kei te rongo ngā ākonga i ngā painga nui o te reo me ngā tikanga ki ō rātou ake wawata, e tū ai rātou i runga i tō rātou anō tino rangatiratanga me tō rātou mana motuhake hei ngā rā ki tua.

Te Kupenga Reo

I whakahaerehia te kaupapa o Te Kupenga Reo ki Kaitāia, ā, nā te hui nei kua piki ake te nui o ngā tūmahi me ngā wāhi e kōrero ana i te mita o te rohe o ngā punawai rau o Te Tai Tokerau. Kua whakapakarihia ngā momo reo motuhake o Te Tai Tokerau, ā, kua whakapūmauhia hoki ngā wāhi reo Māori, kia rere noa te reo i waenga i ngā reanga rerekē o Te Tai Tokerau.

E whā ngā tūmahi kei raro i tēnei kaupapa, he whakataetae te katoa: he whakataetae whaikōrero mā ngā pakeke, he whakataetae whaikōrero mā ngā rangatahi, he tautohetohe ā-whānau me te whakataetae korikori tinana. I tū pakari ngā reanga katoa ki ēnei whakataetae, e kōrero ana i te reo, e ngahau tahi ana hei whakapūmau i ngā hononga whakapapa, hei whakaū hoki i te kaha o tēnā me tēnā.
 

E ārahi ana ngā whānau, ngā hapori me ngā iwi hoki i a rātou ake huarahi reo Māori. Mātaki mai i ā mātou kiriata kia rongo ai koe i te aroha nui ki tō tātou reo, waihoki ki te whakaohoho i te wairua, ka mutu e nanao hoki ai koe ki ngā mātauranga hei whakaihiihi i a koe, ā i ngā uri ka haere ake nei.

Kāinga, Hapori, Iwi