Pānuitia ngā mahi kua oti i a mātou i te tau kua hori, tae noa atu ki te 30 o Hune 2025.

Ka kitea ētahi mahi tāpua i te Pūrongo ā-Tau o te tau 2024/25, pērā i te hui ā-motu Komiti Kaha mō ngā toa reo i whakarauika mai ai tētahi 100 tāngata o Aotearoa, me Te Reo ki Tua, Te Matoe o Te Reo me Terea Te Waka. 

Ka kitea tā mātou Rauna Haumitanga 2024 i te wāhanga ki 'Inenga Pāpātanga', e kore e ngaro te nui o te hiahia ki te ako i te reo Māori tae atu ki ngā uauatanga o te whakahaere tonu i te tahua Kōpaka.  

Kia ahu whakamua nei, ka titiro mātou ki te whakaoho a te reo Māori i te wāhi haumaru, te wāhi e huihui ai, e mahi tahi ai te hunga kōrero Māori ka kimi kaha ai tētahi i tētahi ki te whakahaumanu i te reo Māori hei reo ūkaipō i ō tātou kāinga.

Pānuitia te Pūrongo ā-Tau

E tāpaea ana te Tauākī Whāinga nei ki ngā whānau katoa me ngā hapori reo Māori hei āwhina i tā mātou ū tonu ki te huarahi i a mātou ka tere haere i ngā tau ka takoto ake, ka noho anō hei whakaatu i te tawhiti o tā tātou haerenga tahi i ngā tau kua taha. I te tuhinga nei kua whakatakotohia e mātou tētahi mahere mō ngā tau e whā ki tua, haere ake, ānō he terenga moana – ka arahina e ngā whetū, ka kawea e te ia o te tai.

Ko tētahi whanaketanga mātāmua o tā mātou SOI 2021–2024 ki te SOI 2024–2027 ko te neke atu i ētahi takiwā aronga whānui e rima ki ngā aronga matua e rua o te Tukuihotanga – te āta whai kia heke i ngā reanga, me te Hononga Hapori Reo – te hono i ngā rōpū kōrero i te reo. I tēnei nekehanga rautaki ka āhei Te Mātāwai ki te whakahāngai anō i ā mātou tutukinga ki ngā whāinga pae tawhiti a te Maihi Māori.

Tikiake te Tauākī Whāinga 2024-2027

Pānuitia ngā mahi kua oti i a mātou i te tau kua hori, tae noa atu ki te 30 o Hune 2024.

Kua whai huarahi mātou i te tau ka hori nei ki te whakaaro anō ki tā mātou koke tahi ki te whakarauora i te reo Māori hei reo ūkaipō mō te iwi, Kia Ūkaipō anō Te Reo. I te pakari haere me te angitū tonu o te rangatohe whakarauora i te reo Māori, e mihi ana Te Mātāwai ki ngā whakapaunga kaha a ngā hapori puta noa i Aotearoa ki te whakatinana i te kōrero Kia Ūkaipō anō Te Reo.

Tikiake te Tauākī Whāinga 2023-2024

Pānuitia ngā mahi kua oti i a mātou i te tau kua hori, tae noa atu ki te 30 o Hune 2023.

Kua whai huarahi mātou i te tau ka hori nei ki te whakaaro anō ki tā mātou koke tahi ki te whakarauora i te reo Māori hei reo ūkaipō mō te iwi, Kia Ūkaipō anō Te Reo. I te pakari haere me te angitū tonu o te rangatohe whakarauora i te reo Māori, e mihi ana Te Mātāwai ki ngā whakapaunga kaha a ngā hapori puta noa i Aotearoa ki te whakatinana i te kōrero Kia Ūkaipō anō Te Reo.

Tikiake te Pūrongo ā-Tau 2022-2023 (te reo Māori)

Ko tā te Pūrongo ā-Tau he whakatauira i ngā mahi kua tutuki i te tau kua hori, mātua rā ngā mahi kua oti e hāngai ana ki te Kirimana Hoko.

Tikiake te Pūrongo ā-Tau 2021-2022 (te reo Māori) 

Te Pūrongo-ā-Tau 2020-2021

He huritaotanga tā mātou Pūrongo ā-Tau mō te 12 marama i oti i te 30 o Hune 2021, me te tutukitanga o ngā putanga rautaki a Te Mātāwai.

Tikiake te Pūrongo-ā-Tau 2020-2021 (te reo Māori)

Te Tauākī Whāinga 2021-2024

Ko tā te Tauāki Whāinga he whakamārama i ngā aronga e anga whakamua ai Te Mātāwai, i runga i te tūruapō o Te Rautaki Maihi Māori e kīia nei, 'Kia Ūkaipō anō te Reo Māori', arā, ko te whakaora ake anō i te reo Māori hei reo matua.

Tikiake Te Tauākī Whāinga 2021-2024 

Te Pūrongo-ā-Tau 2019-2020

He huritaotanga tā mātou Pūrongo ā-Tau mō te 12 marama i oti i te 30 o Hune 2020, me te tutukitanga o ngā putanga rautaki a Te Mātāwai. Ko ngā hūkeri a te KŌWHEORI-19 he āhuatanga tē taea te kite, ā, i tino whakamātauria ngā kaimahi ki te rapu huarahi e kawea tonu ai ā mātou mahi.

Tikiake te Pūrongo-ā-Tau 2019-2020 (te reo Māori)

Te Pūrongo-ā-Tau 2018-2019

He tirohanga whakamuri ki te 12 marama i oti i te 30 o Hune 2019, kua pakari haere ngā pūkenga whakahaere e kitea ai tō mātou māia ki te tautohu, me te urupare i ngā āheinga kia tipu ai, kia momoho ai te reo Māori.

Tikiake te Pūrongo-ā-Tau 2018-2019 (te reo Māori) 

Te Pūrongo-ā-Tau 2017-2018

Koinei tō mātou Pūrongo ā-Tau tuatahi mō te tau i oti i te 30 o Hune 2018, he tau ahu whakamua mō tō mātou whakahaerenga. I tau i a mātou te rautaki Maihi Māori, me tōnā tūruapō, 'Kia Ūkaipō anō te Reo Māori', arā, ko te whakaora ake anō i te reo Māori hei reo matua. I kitea te whakapūmautanga o tētahi rōpū mātanga reo ki roto i ngā Kāhui, ki Aoteaora whānui, me te tīmatanga hoki o ā mātou mahi haumitanga mō te whakarauora i te reo Māori ki ngā hapori.

Tikiake te Pūrongo-ā-Tau 2017-2018 (te reo Māori)

Te Pūrongo-ā-Tau 2016-2017

Our first Annual Report for the year ending 30 June 2017 reflects on nine months’ work to establish our Board, commence the development of the Maihi Māori strategy and set up our organisation to provide for new and innovative ways to lead the revitalisation of the Māori language. 

Tikiake te Pūrongo-ā-Tau 2016-2017 (te reo Māori)