E kimi haumitanga ana koe mō tō kaupapa whakarauora i te reo? Me mātua hāngai tō kaupapa ki ngā paearu a ngā Kāhui.

E ū tonu ana ngā whāinga matua a te Kāhui mai anō i te orokohanga, e ārahi tonu ana i ngā mahi e whai ake nei; Te Tukuihotanga o te Reo, He Takiwā Rumaki, me te kaupapa o He Whakatō i te Hiahia. Hei tā te Pae Motuhake, he mea nui te katoa o aua whāinga e hua ake ana i ngā ariā o te mahi whakamahere reo, ā, koia tonu te aronga nui mā ngā tono pūtea me ngā kaupapa e haere tonu mai ana.

Ngā Aronga Haumitanga Matua a Te Tai Hau-ā-uru:

  • Mārama Pū - he titikaha ki te wānanga, ki te whanake hoki i ngā pukenga mahere reo ki te hapai i te rangatiratanga o te hapori.

  • Whāinga Roa - he mārama te kite i te pae tawhiti (>10 tau), ka mutu kua āta whakarite ngā apaapa e tutuki ai ngā wawata.

  • Tuku Ihotanga - e kuhu ana ngā whakareanga maha ki ngā mahi e hāngai ana ki a rātou, waihoki e whakakaha i te matangareka.

Tikiake te Mahere Haumitanga

Te Kāhui ā-Iwi o Te Tai Hau-ā-uru

Ka aro te mahere haumitanga a Te Tai Hau-ā-uru ki ngā uri katoa o ngā iwi e rārangi iho nei:  
Te Āti Awa (Taranaki) Ngāti Rangi
Ngāti Maru (Taranaki) Ngāti Hauiti
Ngāti Mutunga (Taranaki) Te Āti Awa (Wellington)
Ngā Rauru Muaūpoko
Ngā Ruahine Rangitāne (Manawatū)
Ngāti Ruanui Ngāti Raukawa (Horowhenua and Manawatū)
Ngāti Tama (Taranaki) Ngāti Toa Rangatira (Wellington)
Taranaki Te Āti Awa ki Whakarongotai
Ngāti Apa (Rangitīkei) Ngāti Tama ki Te Upoko o Te Ika (Wellington)
Te Āti Haunui-a-Pāpārangi Ngāti Kauwhata 
Ngāti Haua (Taumarunui)  

Ngā Pae Motuhake

The eight Pae Motuhake connect the strategies and activities of Te Mātāwai with the needs of kāinga, hapori and iwi in their Kāhui. Here are the Pae Motuhake representatives for your Kāhui:

Hohepa Isaac-Sharland

Poutaki

Karepa Wall

Te Ātiawa ki Te Upoko o Te Ika

Dr Ruakere Hond

Ngāti Ruanui

Tamzyn Pue

Ngāti Maru

Hayley Galo

Ngāti Toa Rangatira

Heitia Raureti

Ngāti Raukawa

Grace Taniora

Horowhenua

Ngā Pou Reo/ Kaiurungi Reo me ngā Kaiāwhina

He mema te Pou Reo me te Kaiāwhina o te Kāhui, ka mahi tahi rātou ki tō rātou Pae Motuhake ki te whāngai atu i ō rātou mōhiotanga me ō rātou kitenga mai i te rohe.

Riria Vella

Pou Reo

Whare Isaac-Sharland

Kaiāwhina


Tirohia Ngā Whakataunga Tuku Pūtea nō te rauna 2025-2026

Huihui Kia Tū Pakari

E ono ngā kaupapa rumaki reo kei raro i te kaupapa o Huihui Kia Tū Pakari. He mea waihanga hei whakakotahi i ngā whānau o ngā tamariki o ngā kōhanga reo me ngā kura kaupapa, kia wānanga tahi, kia ako hoki rātou i te reo Māori ki Ōtaki.

I huihui ngā whānau ki raro i te kaupapa o ngā Rā Reo ki te ako i te huhua o ngā pūkenga hou. Ko ngā kaiwhakaako ko ngā mātanga reo pērā i a Piripi Walker rātou ko Tash Webby, ko Tipi Wehipeihana, ko Tai Ahu.

I reira ka whai ngā tauira i ngā mahi wetereo, i ngā rautaki whakaako reo, i whakamahia ngā rākau, i te karakia me ngā kaupapa tunu kai. I tonoa ngā kaiako o te kura ki te haere ki te hui hei kaiako o te Rā Reo hei whakapiki ake, hei whakakaha ake i te hononga i waenga i ngā whānau me ngā kaiako. 

Nā konā, ka kuhu mai ngā whānau o ngā kōhanga me ngā kura, e tipu anō ai te whanaungatanga ki waenganui i a rātou.

Ko tētahi wāhi nui o te hōtaka, he tautoko i ngā mātua me ngā tamariki. I te Rātapu, i whakatūwherahia ngā kūwaha o Te Kōhanga Reo o Raukawa hei tiaki i ngā kōhungahunga kia wātea ngā whānau ki te kuhu mai ki te kaupapa. He tino tauira a Huihui Kia Tū Pakari e kitea ai te kaha o ngā kōhanga me ngā kura ki te poipoi i ngā Hononga Hapori Reo.
 

RaRau Mai Kanohi ki te kanohi

I ia wiki, kei te whakapiki ake ngā whānau i tō rātou mōhio ki te reo me te mahi toi i runga i te wairua ngahau ki RaRau Mai. He akoranga toi reo Māori tēnei mā ngā whānau e pīrangi ana ki te whakapūmau i te reo ki ngā reanga katoa o te whānau. I hua mai tēnei hōtaka i te hiahia o ngā whānau o Te Papaioea ki tētahi whaitua rumaki i te reo Māori. He wairua harikoa tō tēnei hōtaka, he ātaahua hoki ngā mahi.

He mea whakatū nā Tania Te Tau, he kaiako nō te kōhanga reo rāua ko Karangawai Marsh, he kaiwhakaako reo Māori mā ngā pakeke, he ringatoi anō. He kaupapa tēnei mā ngā tamariki me ō rātou whānau e ngākaunui ana ki te kōrero i te reo i te kāinga hei reo tuatahi, ā, kei te hiahia hoki rātou ki te whakapakari ake i tō rātou reo mā te mahi toi. Kei te tautoko hoki tēnei rōpū i te hunga e ako ana i te reo hei reo tuarua.

He ara whānui te ara toi, ko te mea nui kia puare noa te wairua auaha, kāore he here. Ehara i te mea e tika ana tētahi ara, e hē ana rānei tētahi atu, koinei anō tētahi o ngā kaupapa matua o RaRau Mai. Ko te kōrerotanga noa o te reo te mea nui.

Muia katoa ō mātou akoranga e te tangata! I eke te nui o ngā whānau ki te 10, ā 64 te katoa o ngā tauira, nō te kōhanga reo me te kura kaupapa Māori. Otirā, ahakoa he tamariki, he mātua, he kaumātua rānei, he hoa pūmau ngā tāngata o tēnei whare toi.

E ārahi ana ngā whānau, ngā hapori me ngā iwi hoki i a rātou ake huarahi reo Māori. Mātaki mai i ā mātou kiriata kia rongo ai koe i te aroha nui ki tō tātou reo, waihoki ki te whakaohoho i te wairua, ka mutu e nanao hoki ai koe ki ngā mātauranga hei whakaihiihi i a koe, ā i ngā uri ka haere ake nei.

Kāinga, Hapori, Iwi