Ko te taiaha, he raakau e kawe ana i te reo o Waikato

Kei te heke haere te nui o ngaa rangatahi o Waikato e toro ana i te ipurangi, aa, kei te whakaraarangi kee raatou ki te toro atu ki te hoohonutanga o ngaa tikanga, o te reo Maaori me te taiao. 

Ko te putanga tuarua teenei o te waananga o Te Reo Mau-ri, he kaupapa e tuitui ana i te reo, i ngaa tikanga me te maatauranga o ngaa tīpuna, kia whaatoro atu ngaa rangatahi ki too raatou ao Maaori. He mea whakahaere te waananga naa te whaanau Keogh, kei te arotahi raatou ki te hauora o te tauira maa ngaa mahi mau raakau. Hei taa te Pouako, hei taa Kaharau Keogh, ehara i te mea he kaupapa whakarauora reo anake teenei, kei te aakina ngaa rangatahi ki te whakarauora i te hauora o te hinengaro me te tinana. Ko ngaa tuumahi ko te whakataukii, ko ngaa karakia a Tuumaatauenga, ko te reo o te mau taiaha, ko te mahi muka me te whatu taura, ko te moohio hoki ki ngaa momo raakau maaori e tika ana hei hanga raakau. Maa te mau raakau ka aakona ngaa puukenga whawhai, waihoki ko ngaa tikanga me te kawa o te ao Maaori. Ka tuituia eenei aahuatanga o te ao Maaori ki eenei waananga, aa, ka tiakina te hauora nui o te tauira.

Mātakitaki mai i konei.