Ngā Punanga

Pūtakenga

Ko te pūtake o tēnei whakataunga punanga he whakamōhio noa ki te hunga pāhekoheko, ki te hunga whai wāhi mai ki Te Mātāwai, tae noa ki ngā kaiwhakamahi i te whārangi ipurangi www.tematawai.maori.nz, hei āhea, ā, mēnā rānei ka kohia e mātou ngā pārongo whaiaro me te whakamahinga hoki.

E kore nei Te Mātāwai e whakamahi, e tiri, e whakaatu i ngā pārongo whaiaro ka kohia, ka tukuna rānei ki a ia, e ai ki ngā ara tika ka whāia e tēnei whakataunga.

Hōkaitanga

Ka hāngai tēnei whakataunga punanga ki ngā pārongo whaiaro katoa ka kohia e Te Mātāwai i te whārangi ipurangi www.tematawai.maori.nz. Ka kitea hoki ngā pārongo whaiaro ka kohia i ā mātou pāhekohekotanga me koutou, ina rā, mā roto i tō mātou taupuni whakapā, mā te waea, mā te īmēra, mā te kōrero ā-kanohi rānei.

Ngā kohinga, ngā whakaputunga me ngā whakamahinga

Ka taea e koe te whakamahi i te whārangi ipurangi www.tematawai.maori.nz(external link) e kore ō pārongo whaiaro e kohia.

Te tuku autaki(noa) o ngā pārongo whaiaro

Mehemea e hiahia ana, ka āhei koe te tuku autaki(noa?) mai i ō pārongo whaiaro ki a mātou (hei tauira, ko ō whakaaro, ō pātai me ō whakahoki kōrero mai). Ko te hunga whai wāhi ki ēnei pārongo ko ngā kaiwhakahaere me ētahi o ngā kaimahi o Te Mātāwai (ko ngā kaimahi e tika ana), ā, i ētahi ka whai wāhi mai hoki ngā kaikirimana e mahi tahi ana i ngā whakahaerenga ki te tari.

Te kohinga o ngā pārongo whaiaro

Tērā pea ka pātai, ka tono rānei a Te Mātāwai ki a koe mō ōu pārongo whaiaro ā muri mai i tō whakaoti i te puka tuihono.

Ko ngā momo pārongo whaiaro ka kohia e mātou ko ngā ingoa, ko ngā īmēra, ko ngā wāhi noho, ko ngā tūranga mahi me ngā nama waea.

Te puringa o ngā pārongo

I a koe ka tuku mai i ō pārongo whaiaro, ka puritia e Te Mātāwai. I ngā wā e tika ana, tērā pea ka puritia, ka whai wāhi rānei ētahi e whai mana ana i runga i te whakaaetanga a Te Mātāwai (arā, ko ngā kaikirimana) e taea ai e rātou te whakahaere i ngā ritenga mahi kei te whārangi ipurangi. Ka puritia, ka tiakina hoki ki tētahi wāhi pūmau i runga i ngā tikanga a Te Ture Matatapu 2020, ā, ka hāngai hoki ngā herenga noho matatapu a Te Mātāwai ki ngā kaikirimana. Ka puritia noatia ngā pārongo whaiaro mō ngā kaupapa mahi e tika ana.

Te whakamahinga o ngā pārongo

Te nuinga o te wā, ko ngā pārongo whaiaro ka tukua mai mā tēnei whārangi ipurangi, ko ngā whakawhitinga kōrero me ngā mahinga tahi anake ka whakamahia i runga i ngā tikanga mahi i whakaritea mai e koe. Akene pea ka whakamahia e mātou ngā pārongo whaiaro ka tukua mai mā tēnei whārangi mō ētahi atu kaupapa e āhei ana i roto i Te Ture Matatapu 2020 (hei tauira, mā tō whakaaetanga mai, mā tētahi kaupapa kē atu e hāngai ana, mā te āheinga ā-ture rānei).

Ngā pūranga korero me te whakaūnga o ngā pārongo whaiaro

Ka puritia e Te Mātāwai ngā kohinga pārongo whaiaro mō ngā kaupapa whai take anake e whai mana ā-ture nei.

Ngā pūranga korero tūmatanui

Ko ngā pārongo ka tukua mai (tērā pea ko ngā pārongo whaiaro) mā tēnei whārangi he pūranga kōrero tūmatanui, ā, ka puritia i runga i ngā herenga mai i Te Ture Pūranga Tūmatanui 2005.

Ngā mōtika whai uru, tapitapinga hoki

Ōu mōtika

Ka whai mana mōtika koe ki:

te tuku pātai mai ki a mātou mēnā rānei kei a mātou ō pārongo whaiaro e pupuri ana;
aua pārongo, ā, mēnā ka hāngai;
te tuku mai i ngā tapitapinga mō aua pārongo rā.

Mēnā he take tōtika ka ara ake e kore ai Te Mātāwai e whakaae ki ō tapitapinga, ka āhei koe te tono kia piri ai tētahi whakataunga ki ngā pārongo i tonoa kia whakatikahia, engari auare ake.

Mēnā koe e hiahia ana te āta tirotiro ki ō pārongo whaiaro, tēnā īmēratia mai tō tono ki: whakapa@tematawai.maori.nz, me tuhi mai rānei ki:

Level 4

139 Featherston Street

PO Box 844

Wellington 6140.

Ngā pārongo tatauranga, pihikete hoki

Pārongo tatauranga

Tērā pea ka kohi pārongo tatauranga mātou mō tō urunga mai hei āwhina i a mātou ki te whakapai ake i te whārangi ipurangi a Te Mātāwai. Ēnei pārongo ka whakahiatotia, ā, ka noho muna katoa ngā kōrero. Ko ngā kōrero o roto, ko:

tō wāhitau tikanga ā-ipurangi (IP);
ngā kupu rapu ka whakamahia;
ngā whārangi i toro ai koe i tā mātou whārangi ipurangi me ngā hononga i pāwhiria e koe;
te rā me te wā i uru ai koe ki te whārangi ipurangi;
te whārangi tautohu i pāwhiria e koe nōu e toro ana ki tēnei whārangi ipurangi;
te pūrere i uru ai koe ki te whārangi ipurangi;
tō pūnaha whakahaere (Windows XP, Mac OSX);
te momo pūtirotiro ipurangi ka whakamahia e koe (Internet Explorer, Mozilla Firefox);
ngā take iti pēnei i te mata ariari, te whakaputanga o te terenga kōhiko (Flash version) kua tāutatia me te whakaritenga reo kei tō pūtirotiro.

Ko te hunga whai wāhi ki ngā pārongo tatauranga ō runga ake nei ko ngā kaiwhakahaere me ētahi o ngā kaimahi o Te Mātāwai.

Ngā pihikete

He kōnae iti nei ngā pihikete pūtirotiro, ‘ipurangi’ hoki kua tukuna atu mā tētahi whārangi ipurangi, ka puritia ki te pūmārō kei tō rorohiko. I te nuinga o te wā, mā ngā pihikete ka pai ake ō wheako ki tētahi whārangi ipurangi (arā, ka mahara ake ki ngā whārangi hiahia kua whakaritea e koe), ā, me whaiwhai hoki i ngā whārangi ipurangi e whakamahia ana.

I te nuinga o te wā, kāore a Te Mātāwai e whakamahi i ngā pihikete i tēnei whārangi ipurangi hei kohi pārongo whaiaro. Mō te āhua ki ngā pihikete ka whakamahia hei kohi raraunga e pā ana ki ngā ia ahunga mō tēnei whārangi ipurangi, ko te pāraharaha ka whakamahia e mātou ko Google Analytics.

Ka taea e koe te pānui i te whakataunga punanga, ka toro hoki ki tētahi pāraharaha pāheke Google Analytics, ki Google Privacy Centre(external link).

Ka taea e koe te mono i ngā pihikete i ngā wā hiahia ana – tirohia te hononga ‘Āwhina’ kei tō pūtirotiro e pēhea ai (kāore nei e pā he raru ki tēnei whārangi ipurangi i te monotanga o ngā pihikete).